峰景餐廳 (已結業)

用AE食两個人平日嚟真係好低！仲有，7點前Happy Hour買一送一！低到冇朋友！點菜後，新鮮仲熱嘅麵包隨即送上！基本上所有嘢新鮮都係最好食！麵包呢D基本嘢亦一樣！半價唔洗五百蚊就有4人份嘅seafood platter 海鮮真係咩都有而且新鮮！久不久一次好過食buffet!食完seafood platter已飽咗7成，雖然好想食扒，不過真係唔好浪費，所以食fish&chips ！真心好食！炸魚超大塊！粉槳唔太厚！整體食物質素唔差，只係有幾個年資高D嘅男服務人員真係好似其他blogger講，面黑黑！