文樂園 (已結業)

講起香港點心蒸飯外賣店，你一定諗起個兩間舖，唔開名啦，又唔係講佢，講黎做咩姐，除咗戒口時貪方便幫襯下佢，你覺得幾時會食到呀？但係文樂園就完全唔同，雖然大家都係做點心蒸飯，但人地係做番酒樓陣味比你食。文樂園is established by 1947，係香港專營手工包點、點心及盅頭飯嘅老字號。近年仲設有外賣店係何文田，正正係培正中學對面。從店舖以懷舊風格設計，到以傳統「點心車仔」嘅裝飾，睇得出店舖希望帶比食客一種昔日懷舊香港點心嘅味道。今次小妹專程空肚拜訪，叫咗幾款點心醫肚仔，祭五臟：🧆七色燒賣（$48）🍚瑤柱咸魚蓉蒸肉餅飯（$28）🥟花膠灌湯餃（$38）🍵南北杏雪梨燉龍骨（$38）文樂園仲有唔少套餐可以選擇，比如一飯+一點心+湯 都係 $70。每晚7點半特價時段，點心蒸飯仲一律$18。