小蓉麵家

营业中

休息中

風和日麗最啱做運動， 約咗班friend去太子 打羽毛球 ， 打完當然要醫肚， 行經界限街睇到間店面幾有傳統麵館 feel，所以未有去試下， 落單叫咗個xo醬櫻花蝦撈麵可配(柱候牛腩或牛筋)和南乳豬手飯， 然後追加兩個款小食包括 :炸黃金魚角和炸招牌雲吞及豆漿及熱檬水。上菜速度夠曬快 ， 眨下眼就上左Xo醬櫻花蝦撈麵 ，未食已經聞到牛腩汁嘅香味， 啲麵都幾彈牙加上櫻花蝦帶一層鮮味， 牛腩夠厚 又冧食落又唔會攝牙罅， 側邊嘅大地魚湯加上九王又香又夠鮮味。南乳豬手飯豬手皮爽肉嫩， 南乳汁食落 一陣陣玫瑰路酒香汁送飯一流。炸黃金魚角夠曬香就彈牙。炸招牌雲吞雲吞皮夠曬脆口蝦有夠爽口。豆漿豆味較濃又唔係太甜 啱曬注重健康人士，熱檸水檸味十足。