蓮香居 (已結業)

今日新玩意，飲茶玩手機就當然㗎啦，今日玩手機係即刻寫感受🤣星期日的早上，突然想去蓮香居飲茶，真係正確的選擇！呢度係非常傳統的中式酒樓，大部份食物用點心車的形式推出來讓顧客挑選。其實天氣未凍都可以食蛇羹嘅，先來一碗蛇羹$60，好足料，加埋適當份量的陳皮及薑絲，美味很滿足😋食完蛇羹即刻叫籠乾蒸燒賣同牛肉，相信點心係自己整的，因為賣相都係不規則形狀🤣，用料新鮮，牛肉同豬肉都美味，燒賣還有我喜愛的香菇👍食完兩個點心唔夠喉，叫多個粉果同埋棉花雞，啲魚肚好入味，我一向鍾意食😋最後，仲有我哋嘅至愛，懷舊碗仔翅，有肉絲、冬菇絲、木耳絲、蟹柳（如果真的有蟹肉就發達啦），加少少胡椒粉同醋，一絕👍食完呢啲其實都飽，不過諗諗吓食埋甜品就更完美，最出名嘅當然係西米焗布甸，一定不會失望的！不過注意：兩個人來飲茶多數係要搭枱㗎☺️(我哋未夠12點到自己一張枱，過多半個鐘就有人搭枱了。)