半島精品店與咖啡廳

营业中

休息中

嚟緊媽咪生日，諗住上網訂蛋糕比媽咪開心下💓由於媽咪唔鍾意食忌廉、流心、太花巧嘅蛋糕，淨係鍾意食傳統式的生果蛋糕，雖然簡單平平無奇，但佢鍾意就冇計。之後搵到半島酒店，一見到雜果蛋糕，諗都唔使諗即刻買，點知佢哋個網站維修中，搞到我付款幾次，都不成功，結果要由蛋糕店職員幫我落單，幾經辛苦終於買到，職員態度好友善，值得一讚蛋糕頂層用咗好多唔同種類嘅生果拼出黎，包括野莓、士多啤梨、提子、芒果、藍莓等，切開仲有好多生果，一啲都唔甜，味道適中，媽咪都話正👍🏻不過打開蛋糕盒，見到生日快樂朱古力牌有啲奇怪，係用電腦字打印出嚟既白朱古力牌，所以有少少令到個蛋糕美中不足，如果係用朱古力寫嘅字，可以增強美觀度，更加可以睇得出寫個位廚師既感情，希望下次購買有驚喜。