影片
更多
2016-04-18
382 浏览
今個週末約左幾個老友食飯，可能人大左，加上成日食埋韓燒，放題呢啲大路野，所以今次大家都想回歸傳統，於是就揀左間就腳嘅中菜廳，尖沙咀嘅景逸軒做聚會嘅地方。去到個度一出𨋢，我地呆左，成個場冇人，得我地幾個。我開始懷疑係個伏，但當打開餐牌嘅時候，我就開始明白點解會咁。原來呢度唔係傳統嘅酒樓，係一間賣創新fusion菜式嘅中菜廳，所以未必吸引到一般食中菜嘅客源。點完菜之後，我有啲期待，因為本身都係諗住食啲傳統野，點知有新野試，價錢仲要同普通酒樓差唔多。第一道菜係台南七味豆腐。味道同賣相一樣，都係一般。雖然豆腐係夠滑，不過外層脆皮唔夠味，淡左啲，做唔到開胃小食嘅作用。第二味係泰式柚子蝦球沙律。係呀，你冇睇錯我都冇打錯，係泰式。就係因為係中菜廳見到泰式野，所以我地決定試佢一試。我幾鍾意呢道菜，除左有新鮮感之外，個柚子汁同啲料幾夾，酸may may咁，好開胃。不過我啲朋友就嫌入面啲西柚好苦，所以俾我清左碟野佢。第三樣係士多啤梨醬燒一字骨。賣相依舊一般，不過食落去又另一種感覺。個汁雖然好辛苦先試到少少士多啤梨味，但甜甜地再加埋肥瘦均勻嘅一字骨的確有令人食完一舊又一舊嘅感覺。之後黎左個羹，係瑤柱花膠四寶
去到個度一出𨋢，我地呆左，成個場冇人，得我地幾個。我開始懷疑係個伏，但當打開餐牌嘅時候，我就開始明白點解會咁。原來呢度唔係傳統嘅酒樓，係一間賣創新fusion菜式嘅中菜廳，所以未必吸引到一般食中菜嘅客源。
點完菜之後，我有啲期待，因為本身都係諗住食啲傳統野，點知有新野試，價錢仲要同普通酒樓差唔多。
第一道菜係台南七味豆腐。味道同賣相一樣，都係一般。雖然豆腐係夠滑，不過外層脆皮唔夠味，淡左啲，做唔到開胃小食嘅作用。
第二味係泰式柚子蝦球沙律。係呀，你冇睇錯我都冇打錯，係泰式。就係因為係中菜廳見到泰式野，所以我地決定試佢一試。我幾鍾意呢道菜，除左有新鮮感之外，個柚子汁同啲料幾夾，酸may may咁，好開胃。不過我啲朋友就嫌入面啲西柚好苦，所以俾我清左碟野佢。
第三樣係士多啤梨醬燒一字骨。賣相依舊一般，不過食落去又另一種感覺。個汁雖然好辛苦先試到少少士多啤梨味，但甜甜地再加埋肥瘦均勻嘅一字骨的確有令人食完一舊又一舊嘅感覺。
之後黎左個羹，係瑤柱花膠四寶羹。呢道菜係唯一一個係傳統中菜廳會食到嘅菜式。雖然睇相好似平平無奇，但食落去都幾足料，味道同出面普通嘅酒樓差唔多。
最後係一碟菜，濃湯桃膠浸菜心，諗住清清腸胃。我認我係為左“桃膠”呢兩個字而叫呢味餸。初初係餐牌見到都唔知乜黎，諗住睇下英文翻譯，“peach resin”，都係唔知，所以決定試下係乜東東。講返碟餸，有菜心，竹笙同桃膠浸係啲湯入面。頭兩樣正正常常，菜夠淋，竹笙都幾爽，索曬啲湯都幾好食。到大家都好期待嘅桃膠啦，望落去有啲似可樂糖，透明同啡啡地，夾落去係軟腍腍。連湯食發現原來桃膠係無味個喎，個質感有啲似雪蛤膏，滑捋捋咁，好得意。
總結黎講，呢度嘅菜式俾人驚喜嘅感覺，有好多新鮮野試，但味道方面可以再好啲。侍應服務唔錯，環境都闊落，坐得幾舒服，今次嘅聚會係一個唔錯嘅體驗。
张贴
