星怡 (已結業)

呢間喺iSquare嘅新加坡餐廳嘅環境非常舒適，裝修新淨，而且地點真係好方便。打開餐牌，見到呢度嘅選擇都幾多，而且價錢合理。今次嚟食lunch就點左傳統嘅新加坡海南雞飯同埋馬來肉骨茶配飯。海南雞啲肉非常嫩滑，配搭油飯食一流。海南雞嘅醬汁亦都好重要，呢度嘅醬汁做得非常好。肉骨茶嘅湯非常香濃，有好香嘅藥材味，啲豬骨亦都好大件，湯撈飯咁食好入味。甜品點左反沙芋，即叫即整，芋頭口感綿密。兩個人總共食咗$290 ，喺尖沙咀來講都算抵食。