李公館

喺同事嘅介紹之下搵到呢間位置方便，座位寛闊，又適合大班人聚會嘅清靜地方。坐落喺集成中心對面，一幢商廈嘅二樓，好易搵。步入餐廳即時感覺一種古雅秀氣，裝修以翠玉為主題，地板門框都透出微微綠光，賞心悅目。設有兩間貴賓房及兩張獨立圓枱，夠唒私隱；普通枱同樣闊落，用上絲絨梳化，夠哂舒服。

1

古雅秀氣嘅裝修

1

貴賓房

1

兩張獨立大圓枱

打開餐牌琳琅滿目，心大心細，全部都係新派菜式。我地緊係聽同事講訂位時，訂定招牌菜冰鎮咕嚕肉，果然名不虛傳，外脆內軟，脆皮帶傳統拔絲效果，肉嫩無骨，冷暖交雜，令人回味。隔離枱叫左升級版咕嚕肉，分別在於多左脆糖裝飾同増量水果，影相效果一流。

3

激讚 拔絲脆皮嫩滑肉心

另一代表作與別不同灌湯脆皮墨魚丸，亦相當出色，香脆外皮配彈牙墨魚肉，丸中間灌以鮮味湯汁，juicy

10

鮮味湯汁 脆彈外殼

茶香燻雞值得一讚，茶香四逸，外皮燻得脆脆嘅，成隻雞都冇乜肥肉，雞肉出奇咁嫩，正正

3

皮脆肉嫩茶香四逸

層層疊係食得架，疊疊煎藕餅甚具鄉村風味，鮮味豬肉碎加爽口蓮藕粒煎得脆卜卜，不錯。

3

鄉村風味

玉桂蘋果安格斯牛柳粒，玉桂蘋果粒清新可口，惟獨牛柳粒帶梳打粉味，略為失色。

2

味道ok 如果牛柳粒冇左梳打粉味就perfect la

石鍋紅燒野菌金磚豆腐，剛送上枱以為係魚塊，細看那薄薄一層灰黑部分原來係特別鋪滿紫菜絲嘅豆腐塊，就是這一層紫菜令平淡嘅豆腐帶來甘香，見廚師心思。海鮮什菜煲大大盤的，但玻璃獻厚左啲，水準一般。

2

紫菜豆腐塊 見廚師心思

小食方面，我地叫左八味魷魚鬚，脆皮薄不油膩，魷魚肉好似做過按摩咁，彈牙而不韌；芥香木耳伴海蜇，wasabi 風味加上木耳海蜇爽口， 刺激食慾。椒鹽豆腐椒鹽脆皮很薄，豆腐香滑，一啖一粒正。

3

做完按摩嘅魷魚鬚唔會韌

甜品係脆皮薑汁炸鮮奶，外皮薄薄又脆卜卜，軟滑牛奶薑味濃郁，為豐富盛宴作完美句號。

薑味濃郁唔係度度食到架

十人慶生飯，十一道菜，每人都唔駛百七，實在物超所值。最緊要就係一班人齊齊整整談天說地，有美食又有舒適環境，一樂也。