博多拉麵別天神 (已結業)

放工同朋友聚下舊，又見到之前食過嘅押多拉麵，估唔到喺尖沙咀都有！哩度嘅拉麵定價唔貴，款式只有兩款，但係就可以配其他小食，好有傳統嘅日式拉麵店風味。小食嘅龍蝦沙津配埋爽脆嘅紫菜，係一個好特別嘅組合！另外餃子就皮薄餡靚，煎到個面好脆。湯底一樣有鮮味，可以自己加調味料，拉麵豉油，七味粉因應個人喜好咁樣調味。拉麵麵底煮得剛剛好，唔會太淋，煙韌之餘又彈牙，真心不錯。櫻花蝦嘅湯底好香蝦味，鐘意食蝦嘅必試！叉燒嘅厚度亦適中，正！