成都老碼頭火鍋 (已結業)

一大班人最啱就係打邊爐，有朋友生日，去呢間邊爐店打打佢。有人鍾意返大陸打，本人就比較對本地嘅餐廳衛生有信心，因為大陸嗰啲都唔知係咩食材。呢間鋪夠晒大，裝修獨特，古色古香，有啲似古代宮殿，座位舒適，侍應哥哥亦好好招呼。湯底係四川麻辣，所有食材都好新鮮，值得一讚係個牛，好香牛味。另外呢個海鮮拼盤都要特別一讚，新鮮程度簡直係意料之外，啲鮑魚仲識郁，而且好大隻， 非常鮮味。其實仲點咗好多其他嘢食，但係食得太快冇影到相。呢度食物水準高，店員亦親切有禮，值得回頭。