美富菜館海鮮蒸氣火鍋

营业中

休息中

有時出來食飯，都會以食物質素較為重要，不論食肆裝修如何美觀，食物唔好味一様冇人客來，今次就去咗太子呢間食火鍋，貪佢呢度做街坊客，款式會比較簡單D，至於味道如何要食過先知坐低就先點咗胡椒豬肚雞，等鍋底滾起就可以開餐，揭開已聞到胡椒香味，豬肚同雞肉同時已熟，先食件雞肉肉質嫩滑，豬肚入口夠爽滑，飲番啖湯底微微香辣又幾好味食完鍋底輪到火鍋配料，先有本地手切牛肉，我覺得本地手切肥牛會好食過美國肥牛肉味會香濃脂肪會比較平均，放入湯浸一浸就食得，入口鮮嫩口感十足，越食越滋味再來有豬粉腸入口爽滑夠鮮甜同手打鮮墨滑用料足口感飽滿，食材緊接一輪又一輪，係不知不覺又食完一餐完美火鍋