影片
更多
2018-06-16
323 浏览
好朋友生日，太耐冇見，係openrice search下諗住食啲咩好西慶祝，見到呢間台式料理，評價同menu都睇落唔錯，問下好朋友想唔想食，知佢中意食台灣菜，相信都會話好。結果不出所料，佢都未試過呢間餐廳，就約定左去食。當晚，我book左1930兩位，沿住條樓梯直接上樓就到，眼見好多枱都有客，應該唔會差得去邊！真係好好服務，野食有水準，款式幾特別，係出面好難食到。一個字：讚！我地揀左自選四道風味菜呢個set，揀四樣餸：三杯雞、脆皮大腸、阿里山桂竹筍、蚵仔煎。三杯雞，味道冇想像中咁咸，食完唔會覺得口渴，啲雞件都算多。脆皮大腸，睇就覺得份量少，但食落係夠，食得多油膩，唔會想再食，炸得幾爽口，冇咩油分，食落啱啱好。阿里山桂竹筍，係我地最中意既菜，竹荀話難煮又唔係，但都要浸得耐先炒先好食，同係市面上都幾難買到好既竹荀，一見到有呢味餸就揀左。食落好爽口，煮得又唔係好淋，幾有口感，同個汁配搭得幾好，真係好耐冇食竹荀，一食就食唔停口！蚵仔煎，就算係去出面茶餐廳都有得叫既餸，可能會覺得普遍，點解要係呢道食，但係正所謂愈普遍就愈有比較性。賣相唔錯，一望落見真係好多蚵仔，用料足，相比茶餐廳唔會係炸麵粉為主
當晚，我book左1930兩位，沿住條樓梯直接上樓就到，眼見好多枱都有客，應該唔會差得去邊！真係好好服務，野食有水準，款式幾特別，係出面好難食到。一個字：讚！
我地揀左自選四道風味菜呢個set，揀四樣餸：三杯雞、脆皮大腸、阿里山桂竹筍、蚵仔煎。
三杯雞，味道冇想像中咁咸，食完唔會覺得口渴，啲雞件都算多。
脆皮大腸，睇就覺得份量少，但食落係夠，食得多油膩，唔會想再食，炸得幾爽口，冇咩油分，食落啱啱好。
阿里山桂竹筍，係我地最中意既菜，竹荀話難煮又唔係，但都要浸得耐先炒先好食，同係市面上都幾難買到好既竹荀，一見到有呢味餸就揀左。食落好爽口，煮得又唔係好淋，幾有口感，同個汁配搭得幾好，真係好耐冇食竹荀，一食就食唔停口！
蚵仔煎，就算係去出面茶餐廳都有得叫既餸，可能會覺得普遍，點解要係呢道食，但係正所謂愈普遍就愈有比較性。賣相唔錯，一望落見真係好多蚵仔，用料足，相比茶餐廳唔會係炸麵粉為主。食落有夠熱，係新鮮炸完，咬落幾脆，配飯一流。
飯，就唔係叫白飯咁普通！係就叫特色啲，就叫左個滷水肉燥飯。個汁唔會落得好多，撈飯食夠哂正，唯獨係肉燥就少左啲。
總結，呢間係我地第一次食，都覺得唔錯。值得推介比身邊朋友，或者同屋企人黎食都啱哂，滿足到老一輩既口味。
张贴
