晶晶甜品 (已搬遷) 新店位置

8月27日, 食完個排骨麵後實在太失望! 搞到我地要周圍搵甜品食安撫番我地空虛嘅小心靈… 好彩一轉角, 就見到晶晶~::: 紅豆雪紋奶冰 ::: $28以前成日覺得晶晶只有d傳統舊式甜品, 估唔到佢而家咁追得上潮流~ 夏日炎炎兼賣埋雪花冰, 都算佢地有生意頭腦! 而雪花冰加埋佢地招牌嘅傳統糖水仲夠晒創新添! 今次呢個牛奶冰溝紅豆沙認真係個perfect match~ 牛奶冰有好濃郁嘅香甜奶味, 半溶嘅奶冰溝落紅豆度正好中和紅豆嘅甜膩, d紅豆又夠大粒同煲到起沙, 真係好好味~::: 蜜瓜西米露 ::: $23一個傳統嘅西米露佢地都整得好好~ 西米露甜度適中, 亦都夠冰涼~ 蜜瓜新鮮又夠甜, 咬落好爽口~ 雖然簡簡單單一個甜品, 但係冇野可挑剔~雖然呢頭附近都開咗好多糖水甜品舖, 但晶晶可謂呢條天后食街嘅甜品先駒! 仲記得細個時去完維園行花市沿電器道行番屋企, 經過晶晶門口總會見到人多到d枱要開晒出行人路, 但都仲有好多人要等位~ 平時亦都好多人專程楂車嚟買外賣, 可想而知佢嘅地位始終無可取替~