咖哩葉

营业中

休息中

佐敦呢間咖哩葉，一間好傳統既印度野，雖然食物夠傳統，但裝修都好正，唔會好似街市檔咁，呢間勁曬乾淨衞生，同西餐水準差唔多。而且食物種類都多，可以試到唔少印度傳統既野。環境方面，睇得出好有心思去佈置，有中東pattern既吊燈，暗黃色好有feel，仲有唔少印度畫作，好有夭藝復興既氣氛，最緊要係佢d音響都幾唔錯，播住印度歌，成日食西餐既朋友，又想試下新野，真係可以黎呢間，幾特別，同另一半黎都幾浪漫。食物方面，印度串燒做得非常之好，即叫即燒，而且醃料好有印度香料風味，仲要用鐵板上，上枱時sasa聲，好有儀式感，火喉掌握都好好，有少少burn，勁曬惹味。咖哩方面，叫左個masala，少少辣，配埋蔥油餅食，夠曬美味。