影片
更多
2018-05-15
205 浏览
之前嘅母親節 同母親大人去咗海運呢間 出名食片皮鴨嘅餐廳《羲和雅苑》慶祝母親節呢間餐廳嘅片皮鴨大有來頭被人稱為會「跳動的烤鴨」究竟點解會跳動呢 就真係要試過先知餐廳位於LCX嗰邊嘅盡頭可以飽覽維港嘅景色 戶外嘅用餐區更享有180度大景觀環境簡直冇得頂餐廳嘅裝修都好有中國風 有木製嘅屏風 感覺優雅先以呢一碟餐前小點【麻辣海蜇頭】$98 打開序幕海蜇頭嘅特色係夠厚肉 食落除咗爽口之外 相當之彈牙食囉嗦嗦聲 非常之爽嫩調味方面加入咗黑醋 椒絲 芝麻食落醒神開胃 【芥末沙律蝦球】$148賣相相當小巧精緻帶有一點點Fusion感覺醬汁方面用上咗黃芥末同埋西式嘅沙律醬開胃之餘帶點跳皮感覺 令人愛不釋手蝦球夠新鮮 肉質爽脆彈牙 底下仲放有鍋巴 口感鬆脆 增加口感【 黑椒鹽炸粟米】$68由於本人非常鍾意食粟米見到呢款咁惹味嘅菜式 真係要嗌黎試下啦金黃色嘅粟米經過油炸 略為收咗少少水分口感較為煙韌粟米上面撒滿咗金黃嘅蒜粒 黑椒粒 同椒粒等等令整道菜式極為香 辣 惹味最後就梗係到期待已久嘅菜食【羲和烤鴨】啦呢度嘅馳名烤鴨半隻$328係採用全聚德嘅掛爐烤鴨方式烹調侍應先會傳上八寶盒呢個百寶盒入面放滿各式各樣
出名食片皮鴨嘅餐廳《羲和雅苑》慶祝母親節
呢間餐廳嘅片皮鴨大有來頭
被人稱為會「跳動的烤鴨」
究竟點解會跳動呢 就真係要試過先知
餐廳位於LCX嗰邊嘅盡頭
可以飽覽維港嘅景色 戶外嘅用餐區更享有180度大景觀
環境簡直冇得頂
餐廳嘅裝修都好有中國風 有木製嘅屏風 感覺優雅
先以呢一碟餐前小點【麻辣海蜇頭】$98 打開序幕
海蜇頭嘅特色係夠厚肉 食落除咗爽口之外 相當之彈牙
食囉嗦嗦聲 非常之爽嫩
調味方面加入咗黑醋 椒絲 芝麻
食落醒神開胃
【芥末沙律蝦球】$148
賣相相當小巧精緻
帶有一點點Fusion感覺
醬汁方面用上咗黃芥末同埋西式嘅沙律醬
開胃之餘帶點跳皮感覺 令人愛不釋手
蝦球夠新鮮 肉質爽脆彈牙
底下仲放有鍋巴 口感鬆脆 增加口感
【 黑椒鹽炸粟米】$68
由於本人非常鍾意食粟米
見到呢款咁惹味嘅菜式 真係要嗌黎試下啦
金黃色嘅粟米經過油炸 略為收咗少少水分
口感較為煙韌
粟米上面撒滿咗金黃嘅蒜粒 黑椒粒 同椒粒等等
令整道菜式極為香 辣 惹味
最後就梗係到期待已久嘅菜食【羲和烤鴨】啦
呢度嘅馳名烤鴨半隻$328
係採用全聚德嘅掛爐烤鴨方式烹調
侍應先會傳上八寶盒
呢個百寶盒入面
放滿各式各樣嘅配料
有傳統嘅 薄餅 甜麵醬 大蔥絲 黃瓜絲之外
仲有較為西式嘅芥末醬 藍莓醬 紫洋蔥絲
當然就會少得呢度嘅招牌 爆炸糖白糖啦
我哋就根據建議
先食脆卜卜嘅鴨皮 桃紅色嘅鴨皮燒得非常金香
蘸上少少藍莓醬之後 再點少少爆炸糖白糖
爆炸糖喺口入面跳躍 非常過癮
呢個食法可謂非常之有創意
一反平時食北京填鴨嘅傳統感覺
第二個部位係鴨胸肉
鴨胸肉嘅肉質夠為結實 而且皮嘅部分比較少
鴨胸肉保持到嫩滑多汁
可以根據建議 點上羲和秘製芥末醬
食落酸酸甜甜 一解油膩感
最後就係鴨腿肉 係我最鍾意嘅部位
鴨腿肉連皮帶肉 肥瘦均稱
可以配上傳統嘅食法
加入京蔥 黃瓜 甜麵醬 風味十足 帶有老北京感覺
另外可以試下Fusion食法
加入山楂條及紫洋蔥
紫洋蔥味道帶有辛辣 山楂條帶有果味 酸酸甜甜
估唔到呢個食法都會令人甚有驚喜
最後呢個【張氏紅燒獅子頭】$48 沿用咗祖母嘅秘方
保存咗傳統嘅美味
外表的的骰骰 有點似玩煮飯仔
獅子頭肉味香濃 配埋白飯一齊食就最為美味
最後叫番個滋潤嘅 【 薑汁紅棗小桃膠】$48
孝敬一下母親大人 感激佢平時嘅辛勞
薑味突出 帶有辛味
小桃膠 帶有植物骨膠原 食完皮膚靚靚
母親大人對今晚嘅晚餐感到非常之滿意
做子女嘅確實倍感安慰
张贴
