大圍小館

营业中

休息中

知道此菜館在大圍算出名，好多時都大排長龍，趁住呢段時間大部份人比較少出街，特別前來食。因應最近疫情，餐廳嘅清潔消毒措施做得唔錯，入門口每個乘客都要先量體溫，一定要用洗手液洗手才可以入餐廳，令人放心。自家製餐前小食：麻辣雲耳、桂花馬蹄及話梅涼瓜；用話梅甘草水浸，涼瓜完全唔苦，仲有少少回甘味。香濃腐乳玻璃蝦球，佢哋好強調用廖孖記腐乳，佢哋用好似透明嘅蝦球，肉質肥美，鮮甜爽滑，加上腐乳的味道，增加了蝦的鮮味，他們將腐乳比例調校得好好，唔會有好重嘅腐乳味及唔會好鹹。惹味海蝦乾小炒王，配料有海蝦乾、韭菜花、蓮藕條、蘿蔔絲及腰果，炒得好有鑊氣，有咬口，好香口但又唔會好鹹。大孖豉油鮮雞，他們堅持用新鮮雞做，所以每日供應有限，豉油用大孖醬園的頭抽及老抽浸製，同其他小菜一樣唔會太咸，更能釋出淡淡的肉香，雞肉嫩滑又唔會太肥。飯後甜品是花生味豆15年陳皮加冰糖髮菜糖水，侍應講中醫師話此糖水在呢個天氣對身體有益，好多材料，材料多個糖水，正。最欣賞佢哋堅持用香港本地食材及醬料等，亦自製餐前小食及飯後糖水，推廣香港本地製作。