金潮小廚

营业中

休息中

以前冇咁多人幫趁，食過佢D煲仔粥，都係一般，味道略鹹，食完仲好口喝。自從登過雜誌後，每晚都座無虛席，排隊等位的人不斷。眼見晚晚都咁多人，莫非d水準好o左，還是傳媒效應？星期六打風個晚就決定再去試下，因為太多人的關係，要同人搭台。我o地兩個人又唔肚餓，只叫了咕嚕肉同咸魚茸炒白菜仔，兩款小菜完全冇鑊氣可言。咕嚕肉真係好難食，不單止唔脆，仲係諗，而且D肉仲有陣油”益”味，我竟然食淨。碟白菜都叫做ok，傳媒效應真係犀利。如果我揀我會去番隔離個間燒味舖，個D小菜炒得仲好食，仲夠鑊氣。