串爆

营业中

休息中

冇留意openrice有優惠，去做walk in客，食$200幾蚊一位，性價比低到不能容忍。首先因為人多上菜極慢，而食物質素普通，選擇又少食材又唔新鮮。同侍應反映咗上菜慢嘅問題後，即刻上快咗，但個份量多到令人懷疑係咪報復式上菜。明明餐單話最多每樣兩串，唔知點解出到黎超過落單個數目好多，唔想浪費又食唔曬，令人非常之難受。其次，個湯底喺放喺度唔會換，只會往裡面不斷添，只係煮完啲串隊落去，講真加埋前面講人多上菜慢，咩都灘凍曬，串唔夠熱，得個油字，加上食材廉價，真係非常之冇食欲。諗住咁多人排隊唔會好差，但其實只係優惠嘅假象，就算$90蚊都請大家諗清係咪要啲咁樣嘅飲食質素。