慕茶 (已搬遷) 新店位置

其實香港都有好多靚靚cafe...今次可以扮偽文青啦！觀塘好多工廈，當中有不少特色的cafe!! 今次嚟到呢間以茶製品為主…將茶注入食品！Cafe 地點都唔算難搵。。。地鐵站行幾分鐘就搵到座工廈！wow....上到去間cafe 好靚，裝修好舒服！好有一種田園氣息，以簡約風格為主，睇得出Cafe都有心思放落裝修！嚟到都一定要叫啲茶嘅食品！叫左個茶味脆皮手卷配慕茶醬＄58 手卷有兩個，一個係呑拿魚為主，另一個以黑椒腸為主！以雪糕筒作為手卷，雪糕筒加入茶，食落有淡淡茶味！而帶甜味嘅雪糕筒再配合咸味嘅呑拿魚同黑椒腸，感覺好新奇！加上生菜、粟米，食落好清新！慕茶醬係桂花蜜同綠茶醬，令人感覺好fresh好田園！慕茶all day breakfast＄86 ... Wow... 個樣都好靚呀！All day breakfast 有蕃茄、生菜、蛋、薯餅、窩夫！最特別嘅係窩夫！開頭以為係甜品窩夫...但一切開佢...真係好意想不到！竟然係係脆皮腸！真係好特別！我亦都好讚賞另一個窩夫沙律！原來都好清新！總括嚟講都唔錯！環境又靚，嘢食又精美！價錢合理！