影片
更多
2017-10-07
318 浏览
今日陪朋友黎荃灣買野好耐未黎過發現有新商場係愉景新城附近，見到有家鄉菜就黎試下呢間。諗住咁多人出邊排隊應該唔錯，2個人好快就有枱，限時個半鍾。呢間沖茶會拎住個茶包托盤選完用熱水沖,都叫做一個特色。太晏黎湯類得返花膠雞同無花果雞湯，拿拿淋叫個花膠雞湯同鱔粗炒醫住肚先。粗炒味道不俗，咸淡度調節唔錯。個湯亦都好快上到，我地2個人細枱唔夠位放湯煲，服務員都另外搵左細碗上湯同碟上湯料。同我地講埋如果飲曬第一碗可以叫佢地fillor可以食完粗炒有位同我地上返成個湯煲。湯料仲有花膠同雞 睇得出真材實料，但諗住佢地都幾細心，點知就中伏啦可能我地太肚餓都好快手就清完個粗炒，食完就諗住上返個湯煲自己fill湯，個服務員一拎黎，大檸樂！哇，我煲花膠湯點解一開會變左無花果嫁！仲要無曬湯，變魔術都冇你地咁變，一眼花膠，轉過眼就變無花果無湯咁離奇嫁好彩即刻搵到門口個黑衫服務員問下同我哋解釋今晚得無花果湯，花膠冇曬。但再三同佢講明我地落單個時仲有落左，好彩check單係證明到我地清白。個服務員仲同我地講應該下次即刻同佢地反映，今次我地飲曬d湯剩係幫到我地計返無花果價錢，佢會同廚房反映返煮錯左。但事實係我同我朋友各飲
好耐未黎過發現有新商場係愉景新城附近，見到有家鄉菜就黎試下呢間。
諗住咁多人出邊排隊應該唔錯，
2個人好快就有枱，限時個半鍾。
呢間沖茶會拎住個茶包托盤選完用熱水沖,
都叫做一個特色。
太晏黎湯類得返花膠雞同無花果雞湯，
拿拿淋叫個花膠雞湯同鱔粗炒醫住肚先。
粗炒味道不俗，咸淡度調節唔錯。
個湯亦都好快上到，
我地2個人細枱唔夠位放湯煲，
服務員都另外搵左細碗上湯同碟上湯料。
同我地講埋如果飲曬第一碗可以叫佢地fill
or可以食完粗炒有位同我地上返成個湯煲。
湯料仲有花膠同雞 睇得出真材實料，但
諗住佢地都幾細心，點知就中伏啦
可能我地太肚餓都好快手就清完個粗炒，
食完就諗住上返個湯煲自己fill湯，
個服務員一拎黎，大檸樂！
哇，我煲花膠湯點解一開會變左無花果嫁！
仲要無曬湯，變魔術都冇你地咁變，
一眼花膠，轉過眼就變無花果無湯咁離奇嫁
好彩即刻搵到門口個黑衫服務員問下
同我哋解釋今晚得無花果湯，花膠冇曬。
但再三同佢講明我地落單個時仲有落左，
好彩check單係證明到我地清白。
個服務員仲同我地講應該下次即刻同佢地反映，今次我地飲曬d湯剩係幫到我地計返無花果價錢，佢會同廚房反映返煮錯左。
但事實係我同我朋友各飲左1碗湯，
食左1粒雲吞同小小雞肉就叫飲左。
真係激氣嘅仲要覆我地佢哋d湯唔會得2碗，
俾人調轉d湯冇得飲仲要俾人飲左。
明顯係間舖d人亂上人地已經飲曬嘅湯黎。
真係俾錢買難受，幾好食物質素都好，
情願去食返連鎖滬菜都唔會再黎
冇下次！！！！！！！！
张贴
