咖啡灣 (荃灣千色匯) (已結業)

上次食完荃灣咖啡灣， 印象很深刻。 這裏除了食物質素好之外，裝修格調都好童話式 。真正坐低食個tea都非常享受。今日一個人又來到荃灣， 難得機會獨自偷閒， 當然再試一次這間咖啡灣。今天是平日的下午兩點半，但這裏都非常旺場。 侍應遞上餐牌，並介紹今天的特別菜式-- 海蝦菠菜珍珠麵，才78元， 咁特別的菜式名字，當然是要試一試。 跟手再黎一杯熱的岩鹽焦糖鮮奶咖啡， 一於慢慢享受。轉眼間，海蝦菠菜珍珠面出現在眼前， 除了名字特別愛， 賣相更有驚喜。 因為實在估不到珍珠面是一粒粒好像青豆一樣， 細問之下， 原來是廚師專登把 新鮮波菜汁打造貌似青豆珍珠意粉， 食落出奇煙韌，菠菜味濃郁，非常之fresh。而海蝦更是非常新鮮，大大隻，咬落異常彈牙，每一啖都鮮味無窮。 整碟珍珠意粉用料絕不馬虎, 還有香口十足的煙肉粒， 非常足料。至於岩鹽焦糖鮮奶咖啡， 咖啡味濃， 加上鮮奶配搭 ，極其香滑。 我還加了少許岩鹽， 岩鹽配上焦糖， 鹹鹹甜甜， 味道有幾夾。有時得閒呢咖啡灣嘆返一個tea ，真是人都青春啲。