影片
更多
2020-03-21
272 浏览
今日嚟黃大仙呢頭做嘢， 本來打算返轉頭先去食晏，不過友人介紹呢間位於現崇山商場的「CAFÉ 2.0」，又即管試下。原來間餐廳設有戶外和室內用餐區，空間感十足，坐喺這個半露天茶座更可以遠眺獅子山景，再襯以開放式門口，令人感覺開揚。至於室內地方亦頗大，環境闊落企理，靠牆以卡位為主，中間擺放了多排四人餐檯，雖然座位不少， 但不會感到太侷促，裝潢簡約舒適。餐牌嘅食物都幾特別，好多花款，中式、西式，甚至連喇沙湯麵、馬來咖喱同堂食雞蛋仔都有，選擇好豐富。馬來西亞咖喱系列：慢煮牛腩 ($78)，牛腩可以跟蒜蓉包、薄餅、飯、意粉或薯菜，加 $10 更可享有是日餐湯及飲品。是日餐湯 (+$10) 有羅宋湯同忌廉粟米湯兩款可供選擇。忌廉粟米湯味道不俗，雖然湯內只有少許粟米粒，不算豐富，但湯身稀稠度適中，而且忌廉味香濃。牛腩非常大件，入口一層筋一層肉，軟腍帶爽，肉味滲滿香濃咖喱汁，用來配白飯吃一流。見下午茶有西多士 ($29)，忍唔住又點一份試下。件西多士送上來時還是脹卜卜，金黃賣相，十分誘人。切開可以見到內裡夾滿了不少花生醬，入口蛋香濃郁，再加上面層一片特厚鮮牛油，吃起來的確滋味無比，叫人又愛又恨。好少茶
今日嚟黃大仙呢頭做嘢， 本來打算返轉頭先去食晏，不過友人介紹呢間位於現崇山商場的「CAFÉ 2.0」，又即管試下。
原來間餐廳設有戶外和室內用餐區，空間感十足，坐喺這個半露天茶座更可以遠眺獅子山景，再襯以開放式門口，令人感覺開揚。
至於室內地方亦頗大，環境闊落企理，靠牆以卡位為主，中間擺放了多排四人餐檯，雖然座位不少， 但不會感到太侷促，裝潢簡約舒適。
餐牌嘅食物都幾特別，好多花款，中式、西式，甚至連喇沙湯麵、馬來咖喱同堂食雞蛋仔都有，選擇好豐富。
馬來西亞咖喱系列：慢煮牛腩 ($78)，牛腩可以跟蒜蓉包、薄餅、飯、意粉或薯菜，加 $10 更可享有是日餐湯及飲品。是日餐湯 (+$10) 有羅宋湯同忌廉粟米湯兩款可供選擇。忌廉粟米湯味道不俗，雖然湯內只有少許粟米粒，不算豐富，但湯身稀稠度適中，而且忌廉味香濃。牛腩非常大件，入口一層筋一層肉，軟腍帶爽，肉味滲滿香濃咖喱汁，用來配白飯吃一流。
見下午茶有西多士 ($29)，忍唔住又點一份試下。件西多士送上來時還是脹卜卜，金黃賣相，十分誘人。切開可以見到內裡夾滿了不少花生醬，入口蛋香濃郁，再加上面層一片特厚鮮牛油，吃起來的確滋味無比，叫人又愛又恨。好少茶餐廳會有雞蛋仔供應，而且仲有唔同口味，鹹甜都有，當然不可以錯過。 揀左千島三文魚雞蛋仔同雪糕鮮果雞蛋仔各一客。
先吃鹹嗰款千島三文魚雞蛋仔 ($68)，其實呢款叫「雞蛋仔薄餅」更加貼切，Pizza 餅底以雞蛋仔代替，雞蛋仔聞起來充滿蛋香，外脆而金黃、內軟而富彈性，面頭配上了鹹香的芝士同三文魚，味道充滿層次。
另外呢款雪糕鮮果雞蛋仔 ($58) 就最適合用來做甜品， 雞蛋仔賣相很吸引，上面鋪滿忌廉，外皮烤得很香脆，裡面保持鬆軟煙韌的口感，而且甜味剛好，入口外脆內軟，配上雪糕很好吃。
跟餐飲品：芒椰派對 (+$20) 同熱奶茶，芒椰派對賣相和滋味兼備，令人賞心悅目。飲落有好濃郁的芒果味同椰汁味，夠曬 fresh！
友人今次真係無介紹錯，食物抵食又有質素，下次有機會唔會嚟試下晚飯。
张贴
