星巴克咖啡 (已結業)

喺金鐘開完會，見有啲空檔時間，忙裏偷閑，經過呢間咁靚嘅Starbucks，真係忍唔住入去坐陣嘆番杯咖啡抖一抖。鋪頭設計長又窄，座位比想像中少。呢度除咗裝修特別高檔之外，賣嘅貨品都有別於一般嘅Starbucks，所以都特登揀咗signature咖啡，來自盧旺達安芭肯達$36。賣相好靚，以木盤盛載，咖啡以外仲附上一杯溫水同一塊麥曲奇，仲有呢款咖啡嘅詳細說明卡。說明卡上指呢款咖啡帶有紅茶香氣，西柚嘅柑橘酸香同可可味道。呢款咖啡唔太濃，微酸但相當香，適合我嘅口味！最鐘意係嗰塊橙味嘅曲奇餅，與咖啡相當搭配！另一杯signature chocolate $34亦keep 到慣常嘅水準。喺個黃昏日落照射底下品嚐飲品，心情果然係特別舒暢。