影片
更多
2020-11-25
3456 浏览
之前喺Times Square買嘢送飲食coupon，有HK$50美食優惠券四張，可以喺指定餐廳使用！惠顧滿$100可以用一張$50蚊coupon，滿$200可以用兩張$50蚊coupon，如此類推！每次交易最多只可以用10張，相當於成個餐半價㗎👀今次揀咗去鮨穴，之前未食過所以想試下新嘢！鮨穴位於時代廣場食通天12樓，出𨋢門就會見到，一行過去周圍啲人都拎住美食優惠券😂 ⚠️要留意返呢間餐廳喺12月24-27日、12月31日 & 2021年1月1日係唔接受使用$50 coupon㗎！呢間以午餐嚟講價錢都偏貴，有半價coupon就食豪啲啦😜 今次我哋無book位就咁walk-in，見到餐廳入面咁full已經心知不妙，好彩職員都安排到位置，用餐時間一個半鐘。入到去你會見到右手邊係bar枱兼係師傅工作枱，可以近距離離望下師傅製作料理過程。左邊就係餐枱擺放位置，不過餐枱排得都幾密，食客同食客坐得好近😅餐廳裝潢幾靚，主題係深木色同方格，餐廳中間仲有個貼牆嘅展示櫃，後方有個和式趟門，分隔餐廳做3個區域。天花吊住好多發光燈泡，配上牆上壁畫，都幾有feel！一坐低見到張墊枱紙介紹先知原來呢間係集團式經營，
今次揀咗去鮨穴，之前未食過所以想試下新嘢！鮨穴位於時代廣場食通天12樓，出𨋢門就會見到，一行過去周圍啲人都拎住美食優惠券😂 ⚠️要留意返呢間餐廳喺12月24-27日、12月31日 & 2021年1月1日係唔接受使用$50 coupon㗎！呢間以午餐嚟講價錢都偏貴，有半價coupon就食豪啲啦😜 今次我哋無book位就咁walk-in，見到餐廳入面咁full已經心知不妙，好彩職員都安排到位置，用餐時間一個半鐘。
入到去你會見到右手邊係bar枱兼係師傅工作枱，可以近距離離望下師傅製作料理過程。左邊就係餐枱擺放位置，不過餐枱排得都幾密，食客同食客坐得好近😅
餐廳裝潢幾靚，主題係深木色同方格，餐廳中間仲有個貼牆嘅展示櫃，後方有個和式趟門，分隔餐廳做3個區域。天花吊住好多發光燈泡，配上牆上壁畫，都幾有feel！
一坐低見到張墊枱紙介紹先知原來呢間係集團式經營，旗下數十間餐廳，時代廣場11樓嗰間Club Albergue 1601都係佢旗下😯
睇下個menu先，本身想叫照燒牛扒御膳，但上Openrice見到評價一般，就叫咗特上天扶良御膳🍤。另外亦叫咗人氣較高嘅吉列黑豚御膳！🐖 呢兩個set都包：沙律、前菜、海鮮蒸蛋(茶碗蒸)、白飯、味噌湯、甜品。❤️ 沙律 & 前菜
🔸 沙律個醬汁好正，沙律菜新鮮，上面仲有幾粒腰豆增加少少甜味。
好食度：⭐️⭐️⭐️✨(3.5/5)
🔸 前菜
醃咗嘅蘿蔔絲，入面有菇，少少偏鹹。
好食度：⭐️⭐️(2/5)
❤️ 海鮮蒸蛋(茶碗蒸) & 味噌湯
🔸 海鮮蒸蛋(茶碗蒸)
好足料，有蝦仔蟹柳同雞肉，蒸蛋好滑鮮味十足👌🏻
好食度：⭐️⭐️⭐️(3/5)
🔸 味噌湯
有幾粒麵筋，味道普通。
好食度：⭐️⭐️(2/5)
❤️ 特上天扶良御膳 $278
特上天扶良御膳
$278
27 浏览
0 赞好
0 留言
當中海膽天婦羅最為突出，海膽鮮甜濃郁，色澤呈橙黃色，海膽份量多，入面應該有七至八嚿海膽，一咬即刻爆出嚟！同紫菜食簡直係絕配😋 呢個海膽天婦羅單叫價值$108，完全值回票價！
另外多春魚亦唔錯，肉質特別嫰滑，魚肉清甜鮮美。魚籽好多，一咬開魚籽即刻鮮味大增！成條魚好有鮮味，唯獨係魚頭有少少腥。
有配醬&三款鹽：海鹽、柚子鹽&咖哩鹽，三款鹽各有特色。咖哩鹽比較濃味，可以刺激一下味蕾😂好食度：⭐️⭐️⭐️⭐️(4/5)
❤️ 吉列黑豚御膳 $168
吉列黑豚御膳
$168
25 浏览
0 赞好
0 留言
25 浏览
0 赞好
0 留言
好食度：⭐️⭐️⭐️✨(3.5/5)
❤️ 甜品
14 浏览
0 赞好
0 留言
17 浏览
0 赞好
0 留言
好食度：⭐️⭐️✨(2.5/5)
餐廳推薦度：⭐️⭐️⭐️✨(3.5/5)
食物質素唔錯，海鮮新鮮，味道都接近喺日本食嘅味道。唯獨定價偏貴，有coupon就梗係抵食啦！如果無半價優惠，就未必會再過嚟試🤔 畢竟銅鑼灣有大把高質日本餐廳，而呢間我覺得可以一試，但試一次就足夠😎
张贴
