養心殿台式養生鍋 (已結業)

今晚約了朋友喺將軍澳Popcorn食飯，等緊朋友同諗緊食乜之際，竟然發現有間養心殿，即刻上去攞位啦，因為之前同一班朋友响佐敦食過，好想再encore 佢嘅美人鍋湯底同每日由台灣直送嘅翠絲水蓮呀，超like! 朋友喜歡吃辣，所以叫左鴛鴦湯底 - 麻辣同美人，真係好like含豐富膠原蛋白嘅桃膠，加埋烏雞南棗滋陰養顏，食多件即炸脆響鈴都吾驚啦。由於我地吾食牛，所以轉攻海鮮同手工丸類。海鮮拼盤個帶子肥大鮮甜，鮑魚同蟶子王都好新鮮，配美人湯鮮味更加提升，yummy ! 揀左黑松露蝦丸同墨魚丸，前者配搭新鮮，後者彈牙爽口，兩隻都甘好食。不得不讚仲有佢嘅自家製水餃，期待encore 嘅水蓮無失望👍🏻👍🏻，雖然炸午餐肉同魚皮餃吾係特別款式，但係佢都做得幾好，其實火煱配料一定要新鮮，呢餐食得好滋味呢😋😋仲有呢度地方吾窄，都坐得幾舒服，下次黎Popcorn食野又多個選擇喇😆