海南寶寶

岩岩轉黎港島區返工, 收工就約左同係港島返工既男朋友食晚飯,
本來仲諗緊去邊食好, 行行下就見到海南寶寶,
大家望一望餐牌都有興趣, 就卜台不如偶遇, 直入去食飯啦
男朋友揀左海南雞飯拼龍蝦濃湯烏冬, 
龍蝦濃湯真係好龍蝦味好濃, 我就覺得有啲咸, 男朋友就覺得岩岩好,
海南雞都好滑, 仲有3隻醬配上.

海南雞飯併龍蝦濃湯烏冬

$88

我就揀左海南雞喇沙, 估唔到呢度啲喇沙係正宗喇沙,
係有麵同米粉, 配菜都好多, 豆卜, 蕃茄, 流心蛋,
海南雞就另外附上, 配以3隻醬, 啲雞好滑,
女仔黎講, 呢碗麵同雞既份量都好多, 我最終都食唔晒,
好彩有男朋友幫我食埋去, 唔駛徙野

海南雞喇沙

$88