Oddies (已結業)

同朋友行下中上環，睇下有咩食啦，行行下見到間Oddies，我仲以為得灣仔先有，原來呢度都開左一間新既以前係灣仔個陣，最鍾意食朱古力雞蛋仔雪糕，但今次新店有好多野揀，仲有新驚喜添Monday Blues（$43）首先係呢個，Monday Blues通常星期一呢，個人都比較累，無咩心機做野佢改名改得真係好，因為呢個裡面有小荳蔻，有小小辣，食完好醒神 Chinese Sauge Eggette呢個一定要讚下好多時行街都會口痕想咬下野，鹹既小食真係唔多選擇雞蛋仔最多都係加朱古力，加臘腸我真係第一次試初頭以為會好怪，一咬落去，真材實料，臘腸真係切碎左，鋪曬係裡面，加埋雞蛋仔，真係好好味個日天氣比較凍，咬一口臘腸雞蛋仔真係會暖番，呢個真係估唔到咁好食，所以我差唔多成pack 雞蛋仔自己食曬總括來講，多左好多新既口味雪糕，最驚喜係連雞蛋仔既款式都多左，尤其呢個臘腸雞蛋仔，真係好好味，值得一試！