2DP (已結業)

今日去左厚福街搵野野，條街出名多好野食。見到呢間爆哂，之前經過以為淨係得甜品。原來仲主打高品質素食、茶葉。牛油果楓糖芒果吐司 $98除左有一旁新鮮彈牙既沙律菜伴碟，仲有希臘乳酪，上面有穀碎增加口感碎卜卜。係鬆軟既麥方包上面除左有一大片牛油果肉仲有用牛油果整成既香濃醬汁，加上新鮮既小菜苗，食落新鮮層資豐富。生酮早餐 $138一個All day breakfast，有8款不同既食材，首先沙律菜新鮮有彈性，品種多樣，而且伴上炒熱左既嫩菠菜，高GI既熟牛油果，，焗得剛好鎖住水份既一串小蕃茄，大大粒好甜。焗菇，香滑既半熟既炒蛋，好新鮮好甜既士多啤梨同埋 blueberries。然後，其實都好好奇，個碗白色既原來係西米椰汁，一旁係由印尼運黎既豆組成既小元貝。全部都好有營養，食完唔驚肚餓仲好飽。鐵觀音抹茶布甸阿法奇朵 $88最後就係甜品，佢既茶葉香滑，經過精良挑選空運，連埋抹茶布甸、奶香較濃既抹茶雪糕、餅同埋cream一齊混合茶香。加上入面一層一層穀物口感，食落一d都唔悶。