LITE (已結業)

位於中環一個唔太起眼嘅地方， 係正gym隔離， 竟然有個高質salad bar 。食物選擇多，有唔同嘅咖啡同健康smoothies ，有甜品同salad。欣賞佢每一款食物都有標示卡路里，非常適合正在進行體重管理嘅朋友。 叫左個leafy cobb salad $102另外自選沙律方面，揀咗蟹肉雞胸蘑菇牛油果同南瓜。 本身自己有做開健身所以都揀得幾多款蛋白質含量高嘅食物。醬汁方面揀咗個邪惡小小嘅truffle yogurt。飲品方面揀咗一杯flat white 同一個banana smoothieflat white 有拉花，同係杯面寫上打氣字句，好貼心見到banana smoothie真係用新鮮香蕉打出嚟嘅，飲落有少少燕麥奶味同非常濃郁嘅香蕉味。 大家都知道香蕉係一個運動前好好嘅食物，可以令之後嘅運動表現得更好。我幾推薦呢杯飲品。所有食物都係即刻製作，所以唔使擔心牛油果會唔新鮮。或者啲嘢飲擺咗好耐。坐嘅位置都舒服，見到本身都有一啲人喺度開緊會，我覺得學生過嚟做吓功課或者兩位朋友嚟吹吓水都幾適合。