影片
更多
2020-07-16
1269 浏览
好友購買了一箱抗疫物品，說要拿一些給我，相約來銅鑼灣「凡高廚房」吃午餐。其實初頭聽到話訂咗「凡高廚房」都有點心驚，因為之前睇新聞得悉有確診者曾到訪。不過朋友話佢早幾日先嚟過，知道餐廳最近做咗次超強離子消毒，整間店舖由內至外，殺滅所有細菌，及加裝咗空氣消毒機，叫我大可放心。朋友話餐廳早前加咗份新菜單，午市有健康餐供應，每個主菜的卡路里含量只是介乎 230 至 280 之間，啱曬一眾想 keep fit 嘅人士。我揀咗烤加州鱸魚柳，而友人就點咗無皮雞肉串。每個 Lunch Set 都已經包咗沙律、餐包、甜品及飲品，加 $10 更可以同時享用餐湯。蘋果田園沙律及餐包率先送上，沙律分量不大，選材種類亦不多，只有切片蘋果、雜菜和番茄粒， 不過就勝在全部都新鮮爽口，配橄欖油吃，好醒胃。餐包拿上手時仍然熱辣辣，烘得很香口，外脆內軟，塗上牛油吃，十分美味。是日餐湯為椰菜花忌廉湯 (+$10)，以忌廉畫花， 再灑上香草，賣相不俗。喝一口，湯身熱燙燙，帶椰菜花獨有的氣味，加上稀稠度適中，口感很不錯！兩客主菜接著上桌，先試下朋友點的無皮雞肉串伴意式傳統炒雜菜 ($98)，雞肉串以木托盤盛上，一客有兩串，雞
其實初頭聽到話訂咗「凡高廚房」都有點心驚，因為之前睇新聞得悉有確診者曾到訪。不過朋友話佢早幾日先嚟過，知道餐廳最近做咗次超強離子消毒，整間店舖由內至外，殺滅所有細菌，及加裝咗空氣消毒機，叫我大可放心。
朋友話餐廳早前加咗份新菜單，午市有健康餐供應，每個主菜的卡路里含量只是介乎 230 至 280 之間，啱曬一眾想 keep fit 嘅人士。
我揀咗烤加州鱸魚柳，而友人就點咗無皮雞肉串。每個 Lunch Set 都已經包咗沙律、餐包、甜品及飲品，加 $10 更可以同時享用餐湯。
蘋果田園沙律及餐包率先送上，沙律分量不大，選材種類亦不多，只有切片蘋果、雜菜和番茄粒， 不過就勝在全部都新鮮爽口，配橄欖油吃，好醒胃。
餐包拿上手時仍然熱辣辣，烘得很香口，外脆內軟，塗上牛油吃，十分美味。
是日餐湯為椰菜花忌廉湯 (+$10)，以忌廉畫花， 再灑上香草，賣相不俗。喝一口，湯身熱燙燙，帶椰菜花獨有的氣味，加上稀稠度適中，口感很不錯！
兩客主菜接著上桌，先試下朋友點的無皮雞肉串伴意式傳統炒雜菜 ($98)，雞肉串以木托盤盛上，一客有兩串，雞肉非常嫩滑，多汁又入味，配埋墊底色的意式炒雜菜、露筍和三色椒等吃，健康又有營。
至於烤加州鱸魚柳伴意式雜菜 ($158) 味道亦很不錯，魚皮烤至色澤金黃，入口很香脆，魚肉非常嫩滑，雪白鮮甜，吃起來鮮味無比，引得朋友也不斷過來搶食，說要分一杯羹。
甜品係法式焦糖燉蛋，燉蛋做得頗有水準，入口蛋味香濃，甜度亦恰到好處，可吃到面層淡淡的焦糖香。
飲品有洋甘菊三高茶、玫瑰三高茶、 即磨咖啡或茶可供選擇。我揀咗三高茶，而友人就點咗凍咖啡。食完飯飲番杯洋甘菊花茶，真係唔錯，超解膩，味道甘甜，充滿菊花嘅清香。
臨走時店員派咗份單張俾我，話如果唔得閒嚟堂食，亦歡迎我嚟買外賣。原來店舖而家做緊外賣自取，最高可享四七折優惠， 又真係幾抵喎，搵日一於過嚟買返屋企慢慢歎。
张贴
