韓屋

营业中

休息中

喺尖沙咀韓國街，由韓國人主理嘅韓屋，主打韓式住家菜同埋韓國湯品，菜式都幾健康㗎☺️平時好少食蒸嘅餃子，見佢呢度有，就即管叫嚟試吓。叫咗一個蒸泡菜餃子王，用蒸籠裝住，賣相幾特別。入面嘅饀料係泡菜，粉絲，豬肉，幾豐富，亦都做到好大隻好飽滿 。另外都叫咗一款係煎嘅，揀咗帝皇蟹膏蟹肉味，意料之外個味道都幾清新，唔會太過膩。朋友想飲湯，就揀咗雪濃湯。我係第一次是，呢個係韓國嘅傳統食物，主要係用牛骨嚟熬，入面仲有牛肉，飲落去個感覺都幾清甜，唔錯唔錯。最後我仲要多咗一個炒豬肉韓式拌飯，好好食喎，配料好豐富，有好多蔬菜，同埋豬肉片，用韓式辣醬撈埋一齊食，好有韓國風味，推介！