Oasis Corner (已結業)

下午茶時間想係觀塘工廈區簡單叫啲輕食搵到依間oasis corner餐牌上嘅食物都係以健康食材為主仲係一間有營食肆 菜式都係以多蔬菜 少油份為主其實依加係街上都唔易搵到健康嘅餐廳雖然各種各樣嘅美食好吸引不過有啲都要比腸胃抖下 食健康清淡啲嫁我叫咗一份高營十足三文治有慢煮雞胸同黑毛豬各一件配菜係蕃茄、生菜同雞蛋雖然話想食輕食 但上到黎發現份量一啲都唔少嫁淨係睇烘底多士同炒蛋已經好厚實我自己一個食咗一份都飽飽地慢煮雞胸同黑毛豬都係無油選擇特別一讚雞胸咬落肉汁鮮香其實新鮮嘅食材簡單整個三明治已經可以好好食飲品方面我叫咗炭燒杏仁鮮奶咖啡第一啖入口係有種甘香味 杏仁味適宜唔算好濃厚 整體黎講易入口 亦都岩唔愛太多甜味嘅朋友最後 想講下小店嘅環境好鐘意牆上鮮豔嘅牆畫店內座位唔多 大約容納到十幾個人但整齊企理 係到渡過咗寧靜舒適嘅下午茶