Pokéworld (已結業)

來到上環試左朋友推介輕便便當Pokeworld餐廳以天藍色為主調色，入面店舖細細，座位以高枱BAR位為主。入面係外籍侍應，亦有點餐紙可以方便客人怕講英文客人去點餐。可以自選主菜、主食、醬料、配菜等，2種主菜(Proteins)$85，選了熟虎蝦+吞拿魚蕎麥麵，配香辣柚子醬，免費配菜全部都要。堂食的話同樣用上紙盒包裝，要自取餐具、紙巾、芥末、醬油，魚生係切粒既，份量幾多，好多好新鮮配菜，好味清新。雖然價錢唔算平，但感覺健康，份量都算大，質素不錯。  店舖細細間，不過幾企理，可以自己裝水飲，好適合想戒澱粉質來減肥既人仕。