小蜂兒 (南豐紗廠) (已結業)

萬聖節果個星期六去左南豐紗廠行下，諗住睇下有咩活動。見到都有啲角色扮演同佈置同萬聖節有關，一家大細嘅又有，帶埋狗仔黎嘅又有。依個商場唔係有寵物應該都好少機會經過，見到一入門口就係小蜂兒茶飲店。門口放左一盤盤嘅生果應該都係行健康路線，見唔算好多人排隊就買杯野飲下。睇完果Menu見到有好多款式，有果汁有水果茶有冷泡茶，仲有出面比較少見嘅優格茶同燒珠豆奶茶。見果名幾特別臨order問左店員燒珠豆奶茶係啲乜，原來係用左蒟蒻珠同仙草沖嘅豆奶茶。最後同朋友叫左一杯西瓜觀音冰同芒不了優格茶。杯野都幾大杯，唔係水溝糖漿嘅味道，至少真係有果肉同埋用茶底去打，味道都幾balanced。整體都唔錯，希望可以keep住個水準，下次有機會想試下個燒珠豆奶茶😜