唇茶 (葵涌廣場) (已結業)

呢間茶飲店主打健康手調茶，所有飲品都可以配有桃膠，仲有多桃膠呢個選項。感覺成個營養價值都提高咗，飲肥仔水之餘都可以養顏。月滿花香 $32 (L)呢款手調茶係人氣之選，由桂花、玫瑰、茉莉及烏龍製造而成。對照返個卡路里表，呢杯飲品只係95kcal，罪惡感即刻降低咗唔少。我就揀咗要少糖少冰，甜度啱啱好，飲落茶味都好香。配料就可以揀係桃膠、亞麻籽或手工啫哩。而桃膠仲可以揀原味或黑糖，俾嘅分量好多，食落好有咬口，而且飽腹感都好強。