大自然素食

营业中

休息中

話說「大自然素食」推出優惠，只要喺晚上7:00前買單嘅話，就有折扣優惠。今日同屋企人一行五人6:00就黎到呢度開飯，叫咗五個菜，價格高但係好食。首先，薑蓉炒翡翠苗$78，薑蓉同翡翠苗好夾，翡翠苗幼細索味，但老人家可能無牙食唔到。第二，瑤柱魚翅蛋白炒飯$88，素翅、蛋白、甘筍粒、粟米粒等炒飯，粒粒乾身。第三，麒麟西檸鴨脯$88，實際係炸芋頭同素肉片，芋頭好似薯仔咁林，素肉好彈牙。第四，竹笙榆耳扒滑豆腐$98，榆耳扒幾特別，竹笙同滑豆腐好啱老人家食。第五，蟹黃芙蓉翅$108，素翅炒蛋白，仲有露筍，價格最高，但屋企人食得滿足。總括嚟講，價格高，但係食物質素亦高，全素餐冇肉，環保又健康。