松山素食 (已結業)

在中上環返工嘅朋友都知，喺呢兩區中午食飯有幾貴，一個飯盒閒閒地收四、五十蚊係好平常嘅事，想食平一點，其實選擇不太多。不過最近就有朋友推介我去蘇杭街呢間「松山素食」買外賣，原來呢度嘅飯盒好抵食，外賣自取兩餸飯只是 $30，而三餸飯亦只須 $33，而且仲有健康老火素湯奉送，難怪朋友話呢間店舖好受附近的上班族歡迎。由於怕人多，所以特意揀了較早時段到訪，果然不用排隊。可能係星期六嘅關係，所以今日只有 5 款菜式可供選擇，不過就另外仲有 1 款米粉供應。選了一個三餸飯 ($33)  同一盒米粉，三餸揀咗花生炆豆腐、冬菇煮節瓜、粟米菜粒炒蛋。豆腐外層炸過，入面依然嫩滑，花生炆得很腍。節瓜味道很清甜，多汁又無渣，冬菇厚身大隻。粟米份量十足，而且個蛋炒得絕對有誠意，好滑。奉送的霸王花粟米湯味道亦唔錯，大大碗，非常足料，而且十分鮮美，潤肺清心、消暑解熱，最啱夏天飲用。另外呢個雪菜豆角肉絲炆米粉 ($38)  亦做得相當有水準，米粉不會太濕，炆得乾身好吃，食落有雪菜嘅香味，加上豆角夠爽脆，菜心亦翠綠清甜，搵唔到半滴油，非常健康。朋友果然無介紹錯，在物價高漲嘅香港，還可以用三十幾蚊食到大大個健康嘅飯盒，真的