大勝軒丸一 (金星閣) (已結業)

太古城中心入面有唔少食肆，今次又試下太古城中心外面嘅餐廳。位於金星閣嘅大勝軒丸一，頗受歡迎，時間尚早，已經有唔少客人光顧。第一次來，所以點咗大勝軒拉麵，另外因為平時食唔夠菜，所以點左野菜拉麵，補充下蔬菜嘅食物纖維。大勝軒拉麵份量足，湯底有啲魚介味，有一片肥美嘅叉燒，同幾片筍。野菜拉麵真係好健康，唔同嘅蔬菜滿滿鋪滿麵上 ，有椰菜，紅蘿蔔，洋蔥，芽菜等，好滿足。呢度嘅麵軟硬適中，麵質彈牙，唔錯。飲品就叫咗原味乳酸梳打，甜甜地，幾解渴。