影片
更多
2011-01-31
41 浏览
今时今日做饮食业，真系要各出奇谋，连面包店都唔例外！我出开湾仔，顺便揾吓呢间新开嘅 ROCCA Bakery ，买定星期日早餐。睇到 Openrice 附有个地图，系庄士敦道，转入机利臣街；我沿住庄士敦道行，到福临门对面，正是所在位置！师傅以健康及特色作概念，做出不少心思之作！一入去单看西饼及蛋糕卖相，已经知道。西饼由 $16 起，多种款式，琳瑯满目！令我停下脚步望一望。店员(可能系老板娘) 话我知，师傅有好多搅作！除咗西饼、蛋糕、面包之外，仲有自家曲奇饼及樽装迷你面包棒。挞类、酥皮包类有热炉保温。虽然面包款式不多，有些比较有特色：绿茶红豆、肉桂卷、黑芝麻软心、肉松包....$6.5 起，亦有两个装 $15 杂锦包。我见到有大大个健康包，外型特别！于是买咗两个。亚麻籽水泡 $12属于袋装法包类，可放 7 日；店员话每日卖剩嘅面包都会掉，所以无 expiry date label。成个环形，既特别又够大。两个人份量，平均每人 $6 价钱合理！ 面包混入亚麻籽及提子干，增加口感！面头洒满黑色小种子，一切开，跌到通碟都系！个包咸咸地几健康！不过叮完之后，依然硬咗些少！南瓜籽麦包 $14同属袋
我出开湾仔，顺便揾吓呢间新开嘅 ROCCA Bakery ，买定星期日早餐。
睇到 Openrice 附有个地图，系庄士敦道，转入机利臣街；我沿住庄士敦道行，到福临门对面，正是所在位置！
师傅以健康及特色作概念，做出不少心思之作！一入去单看西饼及蛋糕卖相，已经知道。西饼由 $16 起，多种款式，琳瑯满目！令我停下脚步望一望。
店员(可能系老板娘) 话我知，师傅有好多搅作！除咗西饼、蛋糕、面包之外，仲有自家曲奇饼及樽装迷你面包棒。挞类、酥皮包类有热炉保温。
虽然面包款式不多，有些比较有特色：绿茶红豆、肉桂卷、黑芝麻软心、肉松包....$6.5 起，亦有两个装 $15 杂锦包。我见到有大大个健康包，外型特别！于是买咗两个。
亚麻籽水泡 $12
属于袋装法包类，可放 7 日；店员话每日卖剩嘅面包都会掉，所以无 expiry date label。成个环形，既特别又够大。两个人份量，平均每人 $6 价钱合理！ 面包混入亚麻籽及提子干，增加口感！面头洒满黑色小种子，一切开，跌到通碟都系！个包咸咸地几健康！不过叮完之后，依然硬咗些少！
南瓜籽麦包 $14同属袋装法包类，可放 7 日；呢个包带点软身，混入一些南瓜籽，面头洒满麦皮，咸咸地，面包密度高，食四份之一都够！
樽装迷你面包棒有好几款，芝士味、海苔味、黑椒味，可试食！试食芝士棒：加入芝士粒，咸咸地、几好味！口感系硬面包条，与食饼唔同感觉！
海苔棒 $18
一樽大约 17 条，好似男人手指 size ，一打开盖，已经好香，海苔味更惹味！
张贴
