樸生•素食 (已結業)

媽媽睇中呢間素食自助餐好耐了，一直都話想來試下，今天終於有時間同佢來試。入門口比左錢之後，店員就叫我們一人揀一樣主菜。進門口就糸媽媽最愛的素食食材，五花八門的健康素食，有果仁，蔬菜，可以拌在一起食或整成飯團。加左紫菜，十分香口！我們超級喜歡！主菜揀左素芝士炸魚腐漢堡豆腐制成的魚腐食落口感覺好好，比真魚腐仲好食。配有紫薯脆片，最岩口痕的我。香煎素豬肉流心芝士漢堡扒，厚切，咬落去差點分辩不到真肉假肉，佢上面插左面小旗，寫住新豬肉，真系好搞笑。其實平時食咁多肉，食下素真系好舒服。爆芝士流心餡。仲可以整韓式火鍋，將年糕之類的主食加上菜同素肉一起放入鍋，加上韓式辣湯底，打開桌面上的電磁爐，好簡單。素午餐肉好有驚喜，比真午餐肉好食。羽衣甘藍，高級食材，媽媽特別喜歡。素甜品選擇豐富，因為太飽，不能逐一試。下次再來。豆腐花，芝麻糊，台式芋丸，好正！野飲都系韓式茶或柚子茶，好養生。