misocool (已結業)

6月30日, 呀菲又黎搵我食飯喇, 我都想食呢間好耐, 因為見到餐牌上都幾啱我地胃口, 主要都食日食, 又有d 其他種類嘅食物~ 加上又近公司, 今日就決定黎呢度食~::: 海鮮芝麻醬冷麵 (跟餐) ::: $40 + $17份量看似不多, 不過配料方面都十分豐富~ 中蝦2隻, 仲有北寄貝, 另外有d露荀, 感覺好fresh~ 凍嘅中蝦幾彈牙, 肉質唔會霉, 另北寄貝非常爽口新鮮, 絕對非常好味, 露荀亦令成個冷麵好健康~ 再講冷麵, 可以用煙韌彈牙爽口去形容~ 冷麵十分夠凍, 配上芝麻醬亦好開胃, 成個冷麵都水準以上~ 跟餐加$15可以配2個小食同飲品, 凍飲再另加$2. 我地要咗南瓜沙律, 壽司卷加凍檸茶~ 起初以為南瓜沙律係有一片片嘅南瓜, 原來係將南瓜打咗蓉之後撈沙律, 富創意味道上都帶俾我地驚喜, 沙律主要係蘿蔔絲同西芹絲, 十分健康, 撈咗南瓜蓉之後味道亦十分特出, 加上喺雪櫃攞出黎夠晒凍, yummy~! 壽司卷有2件, 不過就比較普通, 壽司飯麻麻地… 凍檸茶嘅茶味偏淡, 普通…::: 紅酒燴牛尾飯 ::: $48牛尾加上蘿蔔薯仔雖然真係勁似牛腩, 但配上紅黃椒絲加賣相