新蒸武門 (已結業)

觀塘駱駝漆大廈有間叫做「新蒸武門」嘅小菜店，主打家庭式健康小菜。一坐低飲杯八寶茶（$10/位），內有紅棗、杞子、圓肉、菊花、雛菊及山楂等等，味道清香。是日燉湯係姬松茸燉豬𦟌（$42/位），超濃菇味。小食拼盤（$108）有炸鯪魚球、米網卷、墨魚條，兩個人食都幾多。蟹肉扒西蘭花（$88）清淡口味的家庭小菜。薑蔥霸王雞（$108/半隻），份量頗足，雞肉加埋薑蔥一齊食好香，同樣係口味比較清淡的一味小菜。