影片
更多
2021-06-30
680 浏览
松山素食前牌朋友介紹咗呢間中上環嘅松山素食俾我，出名兩/三餸飯。而家物價越來越高，呢啲廉價嘅兩餸飯三送飯已經開到成行成市。呢間係素食嘅，價錢又平所以試一試。第一個三餸飯盒($33)我叫咗白豆角炒蛋、紅燒冬菇枝竹豆腐、涼拌木耳土豆絲。嗰日有七個餸俾我哋揀。$33蚊有三餸仲有湯超抵，味道都超級豐富！啲蛋幾香話，加埋脆嘅豆角好夾。枝竹我不嬲都好鍾意，個汁又唔會太鹹。土豆絲酸酸甜甜，開胃。個餐本身包飯，仲有一碗青紅蘿蔔老黃瓜湯，好夠火候。加$5仲可以將飯轉做淮山小米粥添，就咁叫個粥就要$10，夠曬細滑。朋友就叫咗XO醬炒銀針粉($38)，我試咗少少。好耐冇食銀針粉，咬落去口感好爽， XO醬都超級香。食得健康得來又滋味。地址：上環蘇杭街10號啟豐大廈地下4號舖
前牌朋友介紹咗呢間中上環嘅松山素食俾我，出名兩/三餸飯。而家物價越來越高，呢啲廉價嘅兩餸飯三送飯已經開到成行成市。呢間係素食嘅，價錢又平所以試一試。
第一個三餸飯盒($33)我叫咗白豆角炒蛋、紅燒冬菇枝竹豆腐、涼拌木耳土豆絲。嗰日有七個餸俾我哋揀。$33蚊有三餸仲有湯超抵，味道都超級豐富！啲蛋幾香話，加埋脆嘅豆角好夾。枝竹我不嬲都好鍾意，個汁又唔會太鹹。土豆絲酸酸甜甜，開胃。
個餐本身包飯，仲有一碗青紅蘿蔔老黃瓜湯，好夠火候。加$5仲可以將飯轉做淮山小米粥添，就咁叫個粥就要$10，夠曬細滑。
朋友就叫咗XO醬炒銀針粉($38)，我試咗少少。好耐冇食銀針粉，咬落去口感好爽， XO醬都超級香。食得健康得來又滋味。
地址：上環蘇杭街10號啟豐大廈地下4號舖
张贴
