影片
更多
2016-06-27
1304 浏览
今日嚟到三姐私房菜 ,听到私房菜三个字我会联想到系比较中式嘅住家菜。 来到大门口前，的确系有几分中国嘅味道。餐厅里面面积还大有几张大圆枱我谂佢哋嘅主要客人都系一家大细/ 一大班人食私房菜， 当然都有四人抬。我订了七点半两位， 呢度嘅菜单系分辨有二人餐、四人餐、6至10人餐等等。。 而我问服务员，佢哋嘅餐牌会定时去更新。我拣左一个二人餐，留意到佢哋嘅菜式入面嘅配搭系中西合璧， 有啲惊喜， 而且佢哋用嘅材料都非常之健康，佢哋好似好著重食物嘅质素同埋客人嘅健康。首先嚟咗一个西式嘅沙律，上面有类似日本嘅 芝麻沙律酱，好清新。之后前菜仲有秋葵同埋云耳， 可见食材健康。 之后来咗个哈密瓜响螺黑毛豚肉汤，材料足料 ，配搭非常特别，我第一次饮呢一种汤。同我们一般饮到嘅南瓜瘦肉汤有点接近但这个格外甘甜。 味道唔会太浓，不会太清淡，系 刚刚好，哈密瓜比冬瓜还要甜。之后黎左两个外表非常精美嘅两道菜， 都系之前系网上介绍嘅招牌菜:1.茶叶熏蛋茄子真系令到我好深刻，我最钟意佢哋自己调配嘅汁， 我同友人都差一点"点"晒啲汁。 见到汁入面有好少好少嘅辣椒同芫茜， 同埋我谂有少少好似日本烧汁嘅汁。总之呢个如果下次嚟都
餐厅里面面积还大有几张大圆枱我谂佢哋嘅主要客人都系一家大细/ 一大班人食私房菜， 当然都有四人抬。
我订了七点半两位， 呢度嘅菜单系分辨有二人餐、四人餐、6至10人餐等等。。 而我问服务员，佢哋嘅餐牌会定时去更新。
我拣左一个二人餐，留意到佢哋嘅菜式入面嘅配搭系中西合璧， 有啲惊喜， 而且佢哋用嘅材料都非常之健康，佢哋好似好著重食物嘅质素同埋客人嘅健康。
首先嚟咗一个西式嘅沙律，上面有类似日本嘅 芝麻沙律酱，好清新。之后前菜仲有秋葵同埋云耳， 可见食材健康。
之后来咗个哈密瓜响螺黑毛豚肉汤，材料足料 ，配搭非常特别，我第一次饮呢一种汤。同我们一般饮到嘅南瓜瘦肉汤有点接近但这个格外甘甜。 味道唔会太浓，不会太清淡，系 刚刚好，哈密瓜比冬瓜还要甜。之后黎左两个外表非常精美嘅两道菜， 都系之前系网上介绍嘅招牌菜:
1.茶叶熏蛋茄子真系令到我好深刻，我最钟意佢哋自己调配嘅汁， 我同友人都差一点"点"晒啲汁。 见到汁入面有好少好少嘅辣椒同芫茜， 同埋我谂有少少好似日本烧汁嘅汁。总之呢个如果下次嚟都会必食。
2. 清酒鲍鱼
都系非常之精美好感非常之弹牙可口， 味道有清香嘅清酒味道。但由于本人食左刚刚比较浓味嘅蛋茄子之后， 觉得呢个鲍鱼真系比较清淡， 所以要提提如果要食，一定要食咗鲍鱼先。
接著系个好清淡嘅菜式， 只看外表唔会觉得又有惊喜 。上面有一只大虾，食落非常之弹牙。 我形容佢为 "玻璃虾"，因为佢外表晶莹通透 食落非常之爽口，有大酒楼嘅水准一点无夸张。 而在下面嘅蛋白蒸得非常香滑，上面一层黄色嘅汁又系佢哋独特嘅配汁，我食到有少少合桃嘅味道，但实际上系什么下次真系要问下。
之后有个肉叫做士多啤梨黑豚肉
味道特别，外表有啲似咕噜肉，但呢个真系有士多啤梨味道，而内更有陈皮味。味道出奇 地夹， 送饭一流。最后一个荷叶蒸饭，上面铺咗鱼片，鱼非常之鲜甜，分量又多。而饭系用双色米，非常之健康，口感偏软身。 食到呢一道菜两人已经好饱。
最后最后嚟咗甜品-炸薯波同埋雪糕 (雪糕有得拣味道， 拣左朱古力同埋曲奇)。 炸薯波薯波好好食,外脆内软,仲热辣辣而且又油腻，炸得好干身非常钟意食。
总括嚟讲我觉得呢度系一个几好嘅食饭地方。如果放工又唔想煮又想食健康嘅菜式，呢度系一个唔错既选择。张贴
