Crusta

营业中

休息中

今日去左一間係尖沙咀新開既快餐店，好有驚喜。裝修同擺設簡約，用藍色做主調，好有歐陸風情，店員都好nice。佢地唔用牛油，而係用橄欖油代替，食落一啲油膩感都冇，同埋係新鮮即製熱辣辣，食物質素好好。佢地有2個set可以選擇，分別係CRUSTA COMBO 同 COUSTI PIZZA COMBO。Combo 跟左薯仔，飲品同一隻烤雞翼。Crusta 係薯蓉批。我地揀咗Juicy Beef Mince Crusta，入面有滿滿嘅免治牛肉肉醬，上層有西蘭花，紅蘿蔔，薯蓉，再加上芝士。落足料，食落好有層次。Pizza set我地㨂咗BBQ Chicken同Grilled chicken 。餅底又薄又脆，好出色。前者落咗翠肉瓜同雞肉。後者落咗蕃茄，雞肉加芝士。雞肉好嫩滑，皮薄餡靚。薯條有兩款可以選擇，甜蕃薯同油炸餡餅 ，2款一啲油膩感都冇，食落好新鮮。餐飲揀咗凍檸茶，甜度適中，仲有幾片檸檬，誠意大足。烤雞翼脆口juicy。