麵麵 (已結業)

陪爸爸覆診後要醫肚，經過大廈見到個招牌寫住 “全港首創 魚湯麵餐廳 “ 所以就上左去試吓。坐低店員第一時間係遞上信封😱，很窩心啊！望望餐廳menu 有幾樣野想試，最後揀左1. （我） 魚麵決戰魚烏冬：鮮龍蝦味卷決戰鮮竹八爪魚卷 配熱杞子桂圓小黃菊花茶2. （爸）安格斯牛魚湯魚烏冬 配熱桂花薏米茶3. 小吃：twins 魚之脆卷魚烏冬比普通烏冬真的更彈口，配上魚湯的鮮味，每啖都覺得好滿足。😊 鮮竹卷入面餡料好足，安格斯牛唔似雪藏，牛肉味道很濃郁。 魚之脆卷亦有驚喜，有兩款味道，外面腐皮脆魚肉彈牙。不過最出色竟然係配麵吃的辣魚醬，微辣，有少少一粒粒的口感。 😋到花茶，打開蓋就敏到淡淡小黃菊花香味，配上甜甜的杞子桂圓感覺好養生好健康。 而薏米茶亦清香。我哋差唔多飲完，店員仲細心幫我哋添加。