素食一家 (已結業)

大半年前帶媽媽黎食過，佢非常鐘意呢度既素菜，事隔半年佢一聽到我今日會帶佢黎食顯非常開心。🥄老火素湯全素無肉都非常鮮甜，如果日日有得飲就正。🥢香芋椰汁南瓜素雞飯 $45好驚喜，估唔到素雞可以做得甘滑，軟中帶韌真好吃，配合綿綿既芋頭同滑溜椰汁就更加滋味。🥄酸辣燴素翅一碗small $38想食D酸酸辣辣既野，但媽媽話今日唔想食酸就叫左碗酸辣素翅比自己，又酸又辣十分惹味，但偏辣左D，食到我出哂汗。🥢私製土家蓮藕餅 $85蓮藕片炸得爽脆清新，夾了超綿的芋頭肉，香口又不怕膩滯。🥢雲耳靈芝蒸猴頭菇 $88媽媽話上次食過好岩佢口味，想再食，雲耳爽脆、靈芝菇養陰健肺、猴頭菇肉鮮嫩，香醇可口，整體都好好味。🍹黑麥汁 $23黑麥汁係德國等歐洲國家十分普遍既飲料，天然、不添加任何防腐劑與香料，喝起來甜甜的，健康得黎仲可以幫助消化添。🥄薑茶菊花 $38豆腐切開條狀成菊花型，再配上薑茶，薑味濃，甜味剛好。🥄有機桑椹果粒凍 $20每一口都能食到扎扎實實既有機桑椹，口感酸酸甜甜，Q彈滑潤，老少咸宜。