Niksen Koffie (已結業)

聽朋友講黃埔原來開左好多新食肆，好多都係主打年青人，又文青，又好味，真係打卡熱點。所以就約朋友黎搵好野食。呢間Niksen Koffie 門口又大又靚，見到好大部咖啡機係門口，好型。入到去環境真係唔錯，地方大，好寬敞好舒服。好欣賞佢都有好多健康生酮食物選擇，啱好多唔同口味既人。我地就咩都食，所以首先叫左個紐奧良炸雞翼配明太子蛋黃醬。黎到佢真係炸得好好，外脆內軟，仲要好熱。而且佢唔會好咸，真係好開胃。呢個三文魚扒牛油果雞蛋藜麥花椰飯，個名好長，但又講晒佢有啲咩。個溫泉蛋煮得好靚，打爛撈落啲椰菜花碎好好味，牛油果又夠滑，三文魚都好大件，呢碟真係唔好以為好細碟，都真係好飽。日式和風章魚燒pizza, 好得意，夠特別又真係幾好食。最吸精就係呢2杯芭菲，士多啤梨同香印青提。佢地上面個拿破崙都好好味，又香，佢唔係用cream用乳酪又健康。 真係超滿足既1餐。