影片
更多
2022-07-28
24 浏览
早幾日去威靈頓街買外賣，發現原來附近新開左間 Salad Bar，今日終於有時間同朋友一齊去試下。店舖雖然係以外賣為主，不過其實入面地方好大，而且 lounge area 更設有幾張檯櫈，可供客人作堂食之用。餐廳主打沙律、咖啡同果汁，沙律嘅款式都幾多，有 5 款可供選擇，另外客人亦可以自選食材，配搭出最啱自己口味嘅沙律。我哋點左一份自選沙律，兩杯咖啡、甜品同一支 Vieve Protein Water。店裡嘅沙律全部都係即點即製，使用嘅食材同過程亦完全公開，見到啲店員都好注重衛生，令人食得放心又安心。自選沙律揀左菠菜苗做底，而配料就點左紅腰豆、雞蛋、牛油果、蟹肉同雞胸肉，再配牛油果乳酪醬。菠菜苗好新鮮，葉質清甜爽脆。牛油果熟度剛好，入口幼滑 Creamy。蟹肉一絲絲，吃起來鮮味十足。紅腰豆補血益氣，而且份量亦落得好慷慨。雞胸肉亦很有驚喜，輕輕煎過，件件都好厚切，食落完全唔嚡口，配上牛油果乳酪醬，健康又有營。另外佢哋嘅咖啡同飲品亦都好值得推薦，咖啡點左 Flat White 同 Mocha，兩杯嘅拉花都很美觀，前者順滑醇香，而後者嘅朱古力味亦非常突出，但又唔會搶左咖啡嘅濃香，絕對係高水準
早幾日去威靈頓街買外賣，發現原來附近新開左間 Salad Bar，今日終於有時間同朋友一齊去試下。
店舖雖然係以外賣為主，不過其實入面地方好大，而且 lounge area 更設有幾張檯櫈，可供客人作堂食之用。
餐廳主打沙律、咖啡同果汁，沙律嘅款式都幾多，有 5 款可供選擇，另外客人亦可以自選食材，配搭出最啱自己口味嘅沙律。
我哋點左一份自選沙律，兩杯咖啡、甜品同一支 Vieve Protein Water。
店裡嘅沙律全部都係即點即製，使用嘅食材同過程亦完全公開，見到啲店員都好注重衛生，令人食得放心又安心。
自選沙律揀左菠菜苗做底，而配料就點左紅腰豆、雞蛋、牛油果、蟹肉同雞胸肉，再配牛油果乳酪醬。菠菜苗好新鮮，葉質清甜爽脆。牛油果熟度剛好，入口幼滑 Creamy。
蟹肉一絲絲，吃起來鮮味十足。紅腰豆補血益氣，而且份量亦落得好慷慨。雞胸肉亦很有驚喜，輕輕煎過，件件都好厚切，食落完全唔嚡口，配上牛油果乳酪醬，健康又有營。
另外佢哋嘅咖啡同飲品亦都好值得推薦，咖啡點左 Flat White 同 Mocha，兩杯嘅拉花都很美觀，前者順滑醇香，而後者嘅朱古力味亦非常突出，但又唔會搶左咖啡嘅濃香，絕對係高水準之作。
至於呢支西瓜味 Protein Water 味道亦唔錯，口感好 fresh，睇左樽上嘅招紙，每支含有20克蛋白質及85克卡路里，並且不含糖份，做完運動飲就啱晒。
一場嚟到，當然要食埋甜品先走。點左呢款 Chia Seed Pudding，奇亞籽近年被譽為「超級食物」之一，因它營養豐富，屬高蛋白和高纖食物。
而呢客布甸就用上奇亞籽、燕麥奶同麥蘆卡蜂蜜等炮製，入口味道唔錯，口感QQ有嚼勁，面頭還配上穀麥和香蕉、菠蘿、草莓、藍莓等水果，感覺清新，而且營養價值亦非常高！
张贴
