Day One Cafe (駱駝漆大廈第三座)

营业中

休息中

餐廳裝修型格，座位闊落坐得舒服。嘢食方面都有幾多選擇，同埋佢好好，某一啲款式可以揀碳水定係椰菜花飯，同埋有啲有雞胸肉，真係適合計緊飲食嘅朋友。卡邦尼扁意粉佢係傳統卡邦尼意粉嘅做法，意粉軟硬度適中，雞蛋忌廉比例啱啱好，所以食落去唔會話好膩。再加上厚身鹹香味十足嘅Bacon，比出邊好多Cafe都做得好食。明太子蟹肉椰菜花飯呢一個椰菜花飯有驚喜，椰菜花飯出邊Cafe都比較少見，原本都驚唔夠飽，但係其實都好飽肚。因為首先佢份量都幾多，然後佢加埋明太子蟹肉，佢嘅質地有啲似risotto, 所以食落好溫暖，滿滿嘅蟹肉，喺最尾仲有少少嘅明太子辛辣味，係鮮味十足嘅一道菜。Dirty 呢度都好專業，會先問你想要fruity 定nutty 既口味， 呢杯dirty 都幾好飲。